पुणे: प्रभाग क्र. ४० मध्ये भाजप-आरपीआय युतीच्या प्रचाराने धरला जोर; १५ जानेवारीला मतदान
पुणे: पुणे महानगरपालिका निवडणुकीच्या पार्श्वभूमीवर कोंढवा बुद्रुक – येवलेवाडी प्रभाग क्रमांक ४० मध्ये राजकीय वातावरण चांगलेच तापले आहे. भारतीय जनता पार्टी (भाजप) आणि रिपब्लिकन पार्टी ऑफ इंडिया (आरपीआय) युतीचे अधिकृत उमेदवार आता थेट मतदारांच्या दारापर्यंत पोहोचत आहेत. “तुमची आमची भाजपा सर्वांची” असे ब्रीदवाक्य घेत महायुतीने या प्रभागात आपली ताकद पणाला लावली आहे.
मैदानात असलेले अधिकृत उमेदवार:
प्रभाग ४० मधून महायुतीने चार महिला उमेदवारांना निवडणुकीच्या रिंगणात उतरवले आहे:
गट-अ: सौ. अर्चना अमित जगताप
गट-ब: सौ. वृषाली सुनील कामठे
गट-क: सौ. पुजा तुषार कदम
गट-ड: श्रीमती रंजना पुं. टिळेकर
सोसायट्यांमध्ये थेट संवाद
उमेदवारांनी आपल्या प्रचाराची रणनीती बदलली असून, आता मोठ्या सोसायट्यांमध्ये जाऊन रहिवाशांशी थेट संवाद साधण्यावर भर दिला जात आहे. “आपल्या सोसायटीमध्ये, आपला आशीर्वाद घ्यायला, आपल्या भेटीसाठी येत आहोत,” या भावनेतून उमेदवार मतदारांच्या गाठीभेटी घेत आहेत. यावेळी पंतप्रधान नरेंद्र मोदी, उपमुख्यमंत्री देवेंद्र फडणवीस आणि इतर वरिष्ठ नेत्यांच्या मार्गदर्शनाखाली प्रभागाचा विकास करण्याचे आश्वासन दिले जात आहे.
मतदानाचे आवाहन
निवडणूक चिन्ह ‘कमळ’ असलेल्या या उमेदवारांनी मतदारांना मोठ्या संख्येने बाहेर पडून मतदान करण्याचे आवाहन केले आहे.
मतदानाची महत्त्वाची माहिती:
दिनांक: गुरुवार, १५ जानेवारी २०२६
वेळ: सकाळी ७:३० ते सायंकाळी ५:३० वाजेपर्यंत
या प्रभागातील चौरंगी लढतीत भाजप-आरपीआय युतीचे वर्चस्व राहणार का, हे १५ जानेवारीच्या मतदानानंतरच स्पष्ट होईल.
मुख्य संपादक:- इरफान शेख
